Ысык-Көл, Нарын, Талас жана Чүй областтарында атайын орто окуу жайларынын окуучулары үчүн финансылык сабаттуулук боюнча тренингдердин биринчи сериясы болуп өттү

2024 Кулжа айынын 13 жарыяланды

2024-жылдын 13-майынан тартып 30-майы ичинде ЕККУнун Бишкектеги Программалык кеңсесинин колдоосу менен 15 семинар өткөрүлдү, ага 358 окуучу катышты, анын ичинде 246 кыздар жана 112 өспүрүм балдар болгон. Семинарларды өткөрүү графиги Кыргыз Республикасынын Билим берүү жана илим министрлиги менен макулдашылган.

Иш-чаралардын жүрүшүндө семинарлардын катышуучулары интерактивдүү формада үй-бүлөлүк жана жеке бюджет, финансылык продукттар жана кызмат көрсөтүүлөр, каржылоонун ислам принциптери, инвестициялоо, электрондук финансылык кызмат көрсөтүүлөр, финансылык коопсуздук, салыктар жана камсыздандыруу сыяктуу темалар менен таанышышты. Ысык-Көл, Нарын, Талас жана Чүй областтарынын атайын орто окуу жайларынын окуучулары үчүн финансылык сабаттуулук боюнча тренингдердин биринчи сериясынын жыйынтыктары ошол семинарлардын натыйжалуулугун көрсөттү: финансылык билимин жакшыртуу 12,8% түзгөн, айрым тренингдер боюнча көрсөткүчтөр 24,8% жеткен.

Буга чейин Кыргыз Республикасынын Улуттук банкынын жетекчилиги алдында ЕККУнун Бишкектеги Программалык кеңсесинин «Кыргыз Республикасында аймактык өнүктүрүүгө көмөктөшүү» долбоорунун алкагында, эксперттер тобу тарабынан Финансылык сабаттуулук боюнча базалык компетенциялардын стандарттарына негизделген, калктын эресеге жеткенден кийинки катмары үчүн финансылык сабаттуулук боюнча экспресс-курс иштелип чыккан.