Глобалдуу акча жумалыгы-2026 кампаниясын (GMW-2026) Кыргызстандагы уюштуруучу-өнөктөштөрдүн жолугушуусу
2026-жылдын 27-февралында Кыргыз Республикасынын Улуттук банкында Глобалдуу акча жумалыгы-2026 кампаниясын (GMW-2026) Кыргызстандагы уюштуруучу-өнөктөштөрдүн жолугушуусу болуп өттү. Өнөктөш уюмдарынын өкүлдөрүнүн катышуусу менен GMW-2026 урматына иш-чаралар концепциялары макулдашылды.
GMW-2026 урааны болуп «Smart Money Talks» саналат. Бул ураандын актуалдуулугу жаштарга финансылык инструменттер жөнүндө ишенимдүү маалыматтарды издөө жана табуу жагында жардам көрсөтүү зарылдыгы менен байланышкан.
Бул кампаниянын алкагында Улуттук банктын www.nbkr.kg расмий интернет-сайтында жана www.finsabat.kg сайтында, ошондой эле социалдык баракчаларда өлкөнүн бардык аймактарындагы өнөктөштөр тарабынан уюштурулган иш-чаралардын (сынактардын, сабактардын, лекциялардын, викториналардын/окутуулардын жана башка иш-чаралардын) планы жайгаштырылган.
← Жаңылыктардын тизмесине
Басып чыгарууга 
