Улуттук банк жогорку жана орто окуу жайлардын окутуучуларынын финансылык сабаттуулугун жогорулатууда
Кыргыз Республикасынын Улуттук банкы ЕККУнун Бишкектеги Программалык офиси менен биргеликте жана Кыргыз Республикасынын Илим, жогорку билим берүү жана инновациялар министрлигинин колдоосу менен аймактардагы жогорку жана орто кесиптик окуу жайлардын окутуучулары үчүн бир күндүк финансылык сабаттуулук боюнча бир катар тренингдерди өткөрдү:
- 2728-октябрда С. Нааматов атындагы Нарын мамлекеттик университетинде;
- 2930-октябрда К. Тыныстанов атындагы Ысык-Көл мамлекеттик университетинде;
- 46-ноябрда Ж. Баласагын атындагы Кыргыз Улуттук университетинин Талас аймактык көп тармактуу институтунда.
Тренингдер финансылык пландоо, аманаттар, кредиттер, инвестициялоо, финансылык коопсуздук жана башка актуалдуу темаларды тереңирээк талкуулоого багытталды.
Тренингдердин негизги максаты – окутуучуларга студенттерди окутууда андан ары колдонуу үчүн финансылык сабаттуулуктун негиздери боюнча актуалдуу финансылык билимдерди жана инструменттерди берүү.
Бул иш-чараларга 80ге жакын адам катышты.
Жыл башынан бери жалпысынан 500дөн ашык окутуучунун катышуусу менен 18 тренинг өткөрүлдү. Окутуулар Бишкек шаарында, Ош жана Жалал-Абад облустарында да өткөрүлгөн.
Басып чыгарууга 
