Жалал-Абад областында көчмө лекциялар
Кыргыз Республикасынын Улуттук банкынын Жалал-Абад областтык башкармалыгынын кызматкерлери «Дүйнөлүк каражат топтоо күнү-2026» финансылык сабаттуулук иш чарасынын алкагында 2026-жылдын 26-октябрынан 30-октябрына чейин Жалал-Абад областынын аймагындагы Сузак районунун Барпы айылынын №71 Н.Алыкулов атындагы орто мектебинде, Манас шаарынын №9 Р.Санатбаев жана №21 Ж.Болотов атындагы орто мектептердин жогорку класстын окуучуларына, ошондой эле, Б.Осмонов атындагы Жалал‑Абад мамлекеттик университетинин экономика жана укук институтунун экономика, эсеп жана каржы адистеринин жана К.Ш.Токтомаматов атындагы Эл аралык университетинин финансы жана кредит, бухгалтердик эсеп жана аудит адистеринин студенттери үчүн көчмө лекцияларды өткөрдү.
Лекциялардын жүрүшүндө катышуучуларга акча каражаттарын сактоо, үнөмдөө, көбөйтүү, QR-код аркылуу төлөм жүргүзүү, финансылык алдамчылыкка (мошеничество) жана дропперликке жаштардын тартылуусун алдын алуу боюнча маалымат берилди.
Аталган «Дүйнөлүк каражат топтоо-2026» финансылык сабаттуулук иш-чарасына жалпы 355 адам катышты.
Басып чыгарууга 
