"Финсабат" сайтынын өркүндөтүлгөн версиясынын бет-ачаар аземи болуп өттү
2019-жылдын 22-апрелинде финансылык сабаттуулукту жогорулатуу боюнча www.finsabat.kg веб-сайтынын өркүндөтүлгөн жаңы версиясынын бет-ачаар аземи болуп өттү. Иш-чарага Кыргыз Республикасынын Улуттук банкынын жетекчилиги, Германия эл аралык кызматташуу коомунун (GIZ), башка эл аралык жана коомдук уюмдардын, мамлекеттик органдардын, коммерциялык банктардын жана жалпыга маалымдоо каражаттарынын өкүлдөрү катышты.
Маанилүү иш-чаранын катышуучулары сайттын жаңы версиясынын дизайны, кредитти төлөө жөндөмдүүлүгүн аныктоо калькулятору, кредиттик жана депозиттик калькуляторлор, банктардын тарифтерин салыштыруу инструменти, видеороликтер, финансылык сабаттуулук боюнча билим деңгээлин аныктоо боюнча тесттер, ошондой эле социалдык роликтер жана башка бул багытта кең-кесири маалымат берүүчү материалдар менен таанышуу мүмкүнчүлүгүнө ээ болушту.
Иш-чаранын жүрүшүндө Улуттук банк Башкармасынын мүчөсү Т.Дж. Джусупов кароого сунушталып жаткан сайт өлкөдө финансылык сабаттуулукту жогорулатуу жагында негизги маалыматтык-аналитикалык интернет булагына айланаарын баса белгилеп, өнөктөштүктө иш алып барган уюмдарды сайтты маалымат менен толуктоого жигердүү катышууга чакырып кетти.
Басып чыгарууга 
