Мугалимдер үчүн финансылык сабаттуулук боюнча семинар өткөрүлдү
Улуттук банк 2023-жылдын 29-июнунан 2-июлуна чейинки мезгилде областтардагы жалпы билим берүү мекемелеринин “Адам жана коом”, “Тарых” предметтеринин мугалимдери, ошондой эле Кыргыз Республикасынын Билим берүү жана илим министрлигинин, Республикалык квалификацияны жогорулатуу институтунун жана Кыргыз билим берүү академиясынын өкүлдөрү үчүн финансылык сабаттуулук боюнча семинар өткөрдү.
Семинар 2018-жылы иштелип чыккан финансылык сабаттуулук боюнча бирдейлештирилген окуу курсуна ылайык өткөрүлдү.
Иш-чаранын жүрүшүндө катышуучулар үй-бүлөлүк жана жеке бюджет, аманат, карыздык мамилелер, кредиттер жана кредиттик уюмдар менен иштөө жана финансылык кызмат көрсөтүүлөрдү керектөөчүлөрдүн укуктарын коргоо сыяктуу темалар менен интерактивдүү түрдө таанышышты.
← Жаңылыктардын тизмесине
Басып чыгарууга 
