Финансылык сабаттуулук

Бардык финансылык алдамчылыктын жалпы бир нерсеси - кылмышкерлер акчасын эч кандай физикалык мажбурлоосуз, адамдын макулдугу менен алышат. Алдамчылык технологиялары ар түрдүү жана тез темп менен өнүгүп жатат. Ошондуктан, финансылык сабаттуулукту ар дайым жогорулатууга жана тиешелүү финансылык билимди ар дайым алганга аракет кылуу менен адамдар алдамчылардан сак боло алышат.

Финансылык сунуш алдамчылык деп шектенүүгө тийиш болгон биринчи нерсе - бул чындык болушу үчүн өтө жакшы угулат: ал тобокелдиктердин жоктугуна кепилдик берет, акылга сыйбас чоң кирешелерди аз убакыт ичинде убада кылат, тиешелүү активдүүлүккө уруксат документтери жок болот.

Бир нече мамлекеттик баалуу кагаздарды кошпогондо, инвестиция тобокелдиктер менен коштолот. Убада кылынган киреше канчалык жогору болсо, тобокелдиктер ошончолук жогору болорун эстен чыгарбоо керек.

Мындан тышкары, маалыматтык гигиенаны сактоо, алынган сунушту же маалыматты талдап, эки жолу текшерип, шылуундардын кысымы астында шашылыш чечимдерди кабыл албоо сунушталат. Алар финансы-кредит уюмдарынын өкүлү, Улуттук банктын, укук коргоо органдарынын жана башка мамлекеттик органдарынын кызматкери деп өзүн тааныштырышы жана тиешелүү жасалма документтерди көрсөтүшү мүмкүн.

Достор менен бөлүшүү Басып чыгарууга