Финансылык сабаттуулук боюнча тренингдер өткөрүлдү
2024-жылдын 10-октябрында Таш-Көмүр аймактык колледжинин, ЖаМУнун Майлуу-Суу колледжинин, ЖаМУнун Кара-Көл колледжинин, БатМунун Сүлүктү гуманитардык-экономикалык институтунун жана Салиев У. атындагы Ош областтык мектеп-гимназия интернатынын окуучулары үчүн финансылык сабаттуулук боюнча тренингдер өткөрүлдү.
Ош шаарында өткөн тренингге Кыргыз Республикасынын Улуттук банкынын Ош областтык башкармалыгынын начальниги А. М. Раззаков жана ЕККУнун Бишкектеги Программалык кеңсесинин экономика жана экология маселелер боюнча Департаментинин башчысы Р. Джапаридзе катышышты.
Окуучуларды өз каражатын туура пайдаланууга үйрөтүү, финансылык продукттардан жана кызмат көрсөтүүлөрдөн, анын ичинде электрондук кызматтардан пайдалануу жөнүндө маалымат берүү, ошондой эле алардын инвестициялоо, салык, камсыздандыруу жана финансылык коопсуздук маселелери боюнча финансылык билимин өркүндөтүү тренингдин максаты болуп саналат.
Тренингдер Улуттук банк тарабынан Кыргыз Республикасынын билим берүү жана илим министрлиги менен биргеликте ЕККУнун Бишкектеги программалык кеңсесинин колдоосу менен өткөрүлүп жатат.
Басып чыгарууга Башка жаңылыктар
Улуттук банктын Нарын областтык башкармалыгында өнөктөш уюмдар менен пландуу жолугушуу Кыргыз Республикасынын Жогорку Кеңешинин комитеттеринин, фракцияларынын катчылыктарынын жана аппаратынын кызматкерлери үчүн семинар Нумизматикалык музейге экскурсия Жалал-Абад мамлекеттик университетинин окутуучулары жана 1-2-курсунун студенттери үчүн лекция Каракол шаарынын тургундары үчүн коллекциялык монеталардын көргөзмөсүн уюштурулдуТөмөнкүлөрдү да окуңүз
2020-жылдын 25-декабрында Кыргыз Республикасынын калкынын финансылык сабаттуулугун 2016-2020-жылдары жогорулатуу программасын ишке ашыруу боюнча Координациялык кеңештин отуруму болуп өттү
