Жаңы жылды белгилеп, банкрот болбоо. Даярдыктын негизги эрежелери.

Жаңы жылга аз эле убакыт калды. Аны кантип майрамдай турганыңызды жана бул канчага турарын ойлоно турган мезгил келди.

Эрте даярдануу керек. Болбосо майрамдык көңүл ачуу кымбатка туруп калат.

Сак болуңуз

Биринчиден, бюджетти так аныктап алуу керек. Жаңы жылдык дасторконго, белектерге, көңүл ачууга канча акча кетерин эсептеңиз. Жаңы жылдан кийин жашоо бүтпөй турганын унутпаңыз.

Майрамдардан кийин оор күндөр башталат. Каражаттарды туура бөлүштүрүү айлыкка чейин канчалык жеңил жетериңизден көз каранды.

Эгерде чыгымдар өтө чоң болуп чыкса, анда сиз ар дайым пландарыңызды кайра карап чыга аласыз. Анын үстүнө, Жаңы жылга 2-3 жума калгандагы жана ага бир нече күн калгандагы азык-түлүктөрдүн, алкоголдун, белектердин баалары ар кандай. Канчалык эрте чечим кабыл алсаңыз, акчаңыз ошончолук сакталат.

Тизмелерди түзүү

Бюджетти аныктадык. Кийинки этап – сатып алуулардын тизмесин түзүү. Дүкөнгө принцип боюнча тизмесиз барбаган жакшы, ал эми Жаңы жыл алдындагы түйшүктө андан да жакшы.

Дүкөндөрдө жана супермаркеттерде майрамдардын алдында акциялар уюштурулат.

А алар дайыма эле пайдалуу боло бербейт. Керексиз нерсени сатып алып, акчаны бекерге кетирүү ыктымалдыгы жогору. Ошондуктан, эркти колго алып, белгиленген планды так аткарабыз.

Дагы бир жагдай бар. Сатып алуулар көп болушу мүмкүн. Шашылышта кандайдыр бир товарды унутуп калышыңыз мүмкүн. Акыркы көз ирмемде эсиңизге түшүрүңүз. Бирок баалар кымбат болуп калышы мүмкүн.

Ашыкча тамак даярдабайбыз

Стереотиптерди бузгула. Дем алыш күндөрү жеп бүтүрүлүүчү салаттардын чоң идиштери бюджетке да, ден соолугуңузга да зыян. Ошондуктан бир жылга алдын ала азык-түлүк камдап же 20 түрдүү салат жана беш ысык тамак жасоого аракет кылуунун кереги жок.

Өзүңүздүн күчүңүздү туура баалап, канча жей алсаңыз, ошончо даярдаңыз.

Балким, майрамдык дасторкондон кийин майонез кошулган салаттардан көрө, жеңил жана сергитерээк нерсе жегиңиз келет. Бардык дүкөндөр 1-январь күнү кечке чейин ачык болот. Анан да алардын баалары Жаңы жылга чейинки акыркы жумага караганда бир топ арзан болот.

Карталардагы бонустарды колдонуңуз

Азыр Кыргызстанда Cash-back кызматы бар дебеттик карталар бар. Бул система ар бир сатып алуудан белгилүү бир пайызды кайтарууну билдирет. Ал жерде болгону бир-эки пайыз болсо да, баары бир бир аз акча кайтарып аласыз.

Жаңы жыл алдындагы соода кылууда дүкөндөрдө лоялдуулук карталарын колдонуңуз.

Мисалы, эгерде сизде супермаркеттин лоялдуулук картасы болсо, ага сатып алуулардан бонустар чегерилсе, анда сиз Жаңы жылдык майрамдардын алдында сатып алуулардан бонустардын балансын бир топ көбөйтөсүз.

Салюттардан баш тартыңыз

Бул кооптуу экенинен баштайлы. Андан тышкары, экологияны унутпаңыз. Бишкекте ансыз деле абал жакшы эмес, ал эми фейерверктер абалды ого бетер начарлатат.

Эгерде биз финансы жөнүндө сөз кыла турган болсок, анда салюттар - ашыкча чыгым. Эгер ал сиз үчүн майрамдын ажырагыс атрибуту болсо, Жаңы жыл түнү Ала-Тоо аянтына барсаңыз болот. Ал жерде жыл сайын майрамдык иш-чаралар уюштурулуп, аягында фейерверк атылат.

Үнөмдөө жолдорун издеңиз

Жок, сараңдык эмес, бул финансылык акылмандык. Үнөмдөөгө мүмкүн болгон жерге көп акча коротуунун кереги жок. Мисалы, белектерди интернеттен сатып алса болот. Көбүнчө бул дүкөндөргө караганда арзаныраак, жеткирүүнү кошкондо дагы.

Эгер сиз Жаңы жылга акыркы көз ирмемде даярданбасаңыз, анда эң пайдалуу варианттарды издөөгө жетиштүү убактыңыз бар. 

Эгер Жаңы жылдан кийин өзүңүзгө же жакындарыңызга чоң сатып алууларды пландаштырган болсоңуз, анда аларды майрамга карата жасаңыз. Ошентип, сизге белектерге кошумча акча коротууга туура келбейт.

Кымбат баалуу белектерди эң жакын адамдарга гана берүү керектигин эске алыңыз. Аларга чындап эле зарыл болгон учурда гана. Болбосо, сиз адамды ыңгайсыз абалга калтырышыңыз мүмкүн.

Өз колуңуздар менен белектерди жана открыткаларды жасоодон тартынбаңыздар. Бул арзан, бирок абдан сүйкүмдүү. Ал жан дүйнөңүздөр менен жасалгандыктан, эң баалуу болот.