Жумушчу топтун отуруму болуп өттү

2024-жылдын 7-августунда Улуттук банкта “Адам жана коом” предмети боюнча өзгөртүлгөн программаны иштеп чыгуу боюнча жумушчу топтун отуруму болуп өттү. Жумушчу топтун курамына Кыргыз Республикасынын Улуттук банкынын, Кыргыз Республикасынын Билим берүү жана илим министрлигинин жана Кыргыз билим берүү академиясынын өкүлдөрү кирди.

Жолугушуунун жүрүшүндө “Адам жана коом” предмети боюнча модификацияланган программаны жана мугалимдер үчүн методикалык сунуштарды иштеп чыгуу аркылуу “Афлатун” Эл аралык социалдык-финансылык билим берүү программаларын улуттук билим берүү стандарттарына киргизүү маселелери талкууланды.

Бул иш-чара Кыргыз Республикасынын Министрлер Кабинетинин 2022-жылдын 16-мартындагы № 119-р буйругу менен бекитилген Финансылык инклюзияны жогорулатуунун Улуттук стратегиясын ишке ашыруунун алкагында өткөрүлүүдө, анын компоненттеринин бири калктын финансылык сабаттуулугу болуп саналат.

Маалымат үчүн:

Aflatoun International – бул балдар жана жаштар үчүн социалдык жана финансылык билим берүү программаларын жеткирүү үчүн 109 өлкөдө 300дөн ашык өнөктөш уюмдар менен иштеген өнөктөш уюмдардын динамикалык тармагы.

Достор менен бөлүшүү Басып чыгарууга