Окуучулар жана студенттер үчүн иш-чаралар
Дүйнөлүк каражат топтоо күнү» иш-чарасын белгилөөнүн алкагында, Улуттук банктын Ош областтык башкармалыгынын нумизматикалык музейинде Ош шаарындагы М.М. Адышев атындагы Ош технологиялык университетинин экономика жана башкаруу институнун студенттерине, Ош мамлекеттик университетине караштуу финансы юридикалык колледжинин студенттерине жана «Эврика» билим берүү комплекси мекемесинин окуучуларына ачык эшик күндөрү өткөрүлүп, лекциялар окулду.
Лекциянын жүрүшүндө студенттерге жана окуучуларга нумизматикалык экспонаттар көрсөтүлүп, улуттук валютанын тарыхы, өнүгүү этаптары жана коргоо белгилери, QR-код колдонуу аркылуу төлөмдөрдү жана акча которууларды өнүктүрүү, ошондой эле акча каражаттарын сарамжалдуу колдонуу, каражат топтоо, финансылык пландаштыруу, финансылык максаттарды коюу, үй-бүлөлүк жана жеке бюджеттерди түзүү тууралуу маалыматтар берилди.
Мындан тышкары, Ош шаарындагы №21 А.С. Пушкин атындагы орто мектептин жана «Олимп» гимназия мектебинин окуучуларына улуттук валютанын тарыхы, өнүгүү этаптары жана коргоо белгилери, финансылык пландаштыруу, финансылык максаттарды коюу, ошондой эле үй-бүлөлүк жана жеке бюджеттерди түзүү тууралуу атайын көчмө лекциялар өткөрүлдү. Дүйнөлүк каражат топтоо күнүнө катышкандардын жалпы саны 220, анын ичинен 61 студент, 148 мектеп окуучусу жана 11 окутуучу.
Басып чыгарууга 
