Каракол шаарынын тургундары үчүн коллекциялык монеталардын көргөзмөсүн уюштурулду
Кыргыз Республикасынын Улуттук банкынын Ысык-Көл областтык башкармалыгы «Дүйнөлүк каражат топтоо күнү - 2024» иш-чарасынын алкагында 2024-жылдын 28-29-октябрь күндөрү Каракол шаарынын тургундары үчүн Улуттук банк тарабынан чыгарылган коллекциялык монеталардын көргөзмөсүн уюштурду.
Көргөзмөнүн жүрүшүндө Ысык-Көл областтык башкармалыгынын кызматкерлери улуттук валюта – сомдун калыптануу тарыхы, өнүгүү этаптары жана анын коргоо элементтери, Улуттук банктын нумизматикалык баалуулуктары жөнүндө маалымат берип, «Банкноттор кантип жок кылынат», «Улуттук валютага аяр мамиле жасоо», «Финансылык сабаттуулук» деген темаларда лекция окулуп, видеороликтер көрсөтүлдү.
Мындан тышкары, 2024-жылдын 31-октябрында Ысык-Көл областтык башкармалыгынын кызматкерлери Ысык-Көл областынын Каракол шаарынын № 1 мектебинин окуучуларына көчмө лекция өткөрүштү. Лекциянын жүрүшүндө үнөмдөөнүн маанилүүлүгү, топтолгон акча каражаттарын сактоо жана көбөйтүү жолдору тууралуу маалымат берилди.
Басып чыгарууга 
