Баткен областында мейман лекциялар
Кыргыз Республикасынын Улуттук банкынын Баткен областындагы өкүлчүлүгүнүн кызматкерлери, Глобалдуу акча жумалыгы – 2025 иш-чарасынын алкагында, 2025-жылдын 8-11-апрель күндөрү Баткен шаарынын В.И. Ленин, С.Айтматов, А. Имаров-Кызыл Топу атындагы орто мектептеринин жогорку класстарынын окуучуларына жана Баткен мамлекеттик университетинин студенттерине көчмө лекцияларды өткөрдү.
Лекциянын жүрүшүндө Улуттук банктын өкүлдөрү катышуучуларга акча каражаттарын туура колдонуу жана сарптоо, финансыны пландаштыруу, финансылык максат коюу, үй-бүлөлүк жана жеке бюджетти түзүү, финансыларды мүмкүн болуучу тобокелдиктерден коргоо тууралуу маалымат беришип, ар кандай финансылык маселелер боюнча түзүлгөн кырдаалдарды талдап чыгышты.
Мындан тышкары, Кыргыз Республикасында QR-кодду колдонууну өнүктүрүү боюнча иш-чаралар, QR-коддордун улуттук стандарттары жана эки өлчөмдүү штрих-код белгилерин (QR-код) колдонуу менен төлөө эрежелери, ошондой эле шылуундардан сак болуу чаралары жөнүндө маалымат берилди.
Басып чыгарууга 
