Финансылык сабаттуулук боюнча эки-күндүк тренингдер
2024-жылдын 23-24-мартында Ысык-Көл областынын Каракол шаарында С5 + 1 жаштар кеңешинин колдоосу менен жогорку класстардын 30 окуучусу жана ЖОЖдордун студенттери үчүн финансылык сабаттуулук боюнча эки күндүк тренинг өткөрүлдү.
Иш-чаранын максаты жаштардын финансылык сабаттуулук маселелеринде аларды өз теңтуштарына андан ары жайылтуу үчүн практикалык билимдерин жогорулатуу, ошондой эле алардын экономикалык шарттарын жакшыртуу болуп саналат.
Тренингдер Казакстандын жана Өзбекстандын чет өлкөлүк эксперттери, жергиликтүү эксперттер жана ролдук моделдер тарабынан өткөрүлдү.
Иш чаранын жүрүшүндө Улуттук банктын өкүлү инвестициялоо жана жеке финансылык коопсуздук үчүн улуттук финансылык инструменттер жөнүндө сессия өткөрдү. Чет элдик эксперттер каржы жаатында билим берүүнүн жана өзүн-өзү өнүктүрүүнүн маанилүүлүгү, ошондой эле финансылык жүрүм-турум жана финансылык чечимдерди кабыл алуунун психологиялык аспектилери боюнча презентацияларды жасашты.
Басып чыгарууга 
